រមណីយដ្ឋានភ្នំប្រុសភ្នំស្រី

នៅពេលនេះត្រលប់មកមើលរមណីយដ្ឋានមួយទៀតរបស់ខេត្តកំពង់ចាម នោះគឺ

រមណីយដ្ឋានភ្នំប្រុស ភ្នំស្រី ។

ភ្នំប្រុសភ្នំស្រីមើលពីចម្ងាយ

ផ្លូវចូលភ្នំប្រុស

 បើយើងធ្វើដំណើរចេញពីក្រុង 

 ភ្នំពេញទៅ កំពង់ចាម តាមផ្លូវជាតិលេខ៧ 

ទៅដល់គោលគីឡូម៉ែត្រទី១១៦ 

ហើយចោលភ្នែកទៅទិសឦសាន 

ដែលនៅជាខាងឆ្វេងដៃ​ 

ចម្ងាយពីថ្នល់ជាតិទៅប្រមាណមួយគីឡូម៉ែត្រ 

យើងនឹងឃើញភ្នំពីរនៅទន្ទឹមគ្នា មួយខាងកើតខ្ពស់​ 

មួយខាងលិចទាប ភ្នំខ្ពស់ឈ្មោះភ្នំស្រី ។

ច្រកចូលភ្នំប្រុសភ្នំស្រី

ភ្នំស្រី

សៀវភៅរឿងភ្នំប្រុសភ្នំស្រី

រឿងព្រេងប្រចាំភ្នំនោះ មានដូចតទៅនេះ៖

 កាលពីព្រេងនាយ មានស្ដេចស្រីមួយ ព្រះអង្គព្រះនាម «អយុធ្យា»​សោយរាជ្យនៅនគរ       

ខ្មែរ។ដោយព្រះនាងជាស្ដេចសោយរាជ្យ គ្មានបុរសណាមួយហ៊ានដណ្ដឹងយកជាភរិយាឡើយ       

ម៉្លោះហើយដោយ​ហេតុព្រះនាងរកដណ្ដឹងបុរសដ៏មានរូបជាទី គាប់ព្រះទ័យមកធ្វើព្រះស្វាមីវិញ 

ហើយដោយហេតុព្រះរាជិនី ស្រីអយុធ្យាដណ្ដឹជាស្វាមី ដូច្នោះស្រីៗដែលនៅក្រោម ព្រះរាជឱវាទ 

ព្រះនាង   ក៏ដណ្ដឹងប្រុសៗធ្វើជាស្វាមីតាមដែរ។

ប្រាសាទនៅលើភ្នំប្រុស

ប្រាសាទនៅលើភ្នំប្រុស

ក្នុងរជ្ជកាលនោះមុខគួរឱ្យវេទនានឹងស្រីខ្លះ 

ដែលមានរូបអន់ៗទៅរកដណ្ដឹងប្រុសៗ 

គេនាំគ្នាប្រកែកមិនយក​​​ 

គេរើសតែស្រីៗមានរូបល្អៗ 

ទើបយកធ្វើជាភរិយាធ្វើដូច្នេះអស់មួយរាជ្យ 

ភ្នំស្រីមើលពីចម្ងាយ

ស្ដេចស្រីនេះ។ លុះមកដល់រាជ្យស្ដេចក្រោយៗទៀតពួកស្រីៗជំនុំគ្នាថា​«ឥឡូវនេះ ដូចជា មិនសមសោះ       

ខ្លួនយើងជាស្រីហើយដើរដណ្ដឹងប្រុសៗ ធ្វើជាប្ដីដូច្នេះយើង នឹងនាំគ្នាលើក 

ដីចាក់ពូនជាភ្នំ ភ្នាល់ជាមួយ   នឹងពួកប្រុសៗ គឺប្រុសលើកដីធ្វើជាភ្នំមួយ យើងស្រីធ្វើជាភ្នំមួយ 

ភ្នាល់គ្នា។ បើប្រុសៗចាញ់យើងនិងត្រូវឱ្យប្រុសៗ ដណ្ដឹងយើងជាស្រីវិញ»។លុះគិតដូច្នេះ 

ហើយក៏នាំគ្នាទៅបបួលពួកប្រុសធ្វើភ្នំ ចុះខសន្យាភ្នាល់គ្នាដូចពោលមក ហើយគេក៏បានចាត់ 

មេកំណែន កេណ្ឌមនុស្សស្រីឱ្យបានច្រើន ខាងប្រុសមាន មេកំណែន​ ខាងប្រុសដើរកេណ្ឌ​ ខាងស្រី 

មាន មេកំណែន ខាងស្រីដើរកេណ្ឌ ។ លុះកេណ្ឌបានគ្នាច្រើន គ្រប់ចំនួនខាងប្រុស ខាងស្រី 

រួចហើយ ក៏និយាយនិងគ្នាថា » យើងទាំងអស់គ្នាត្រូវជញ្ជូនដីដរាបដល់ផ្កាយព្រឹករះ 

ទើបឈប់ទាំងអស់គ្នា បើផ្កាយព្រឹកមិនរះមិនត្រូវឈប់នោះទេ ។ គិតព្រមគ្នាដូច្នេះហើយ ក៏នាំគ្នា 

ជញ្ជូន ដីរែកទូលតាមថាមភាពរៀងខ្លួនទៅ » ។

ភ្នំប្រុសភ្នំស្រី

        ពេលនោះជាពេលរាត្រី ពួកស្រីៗមានប្រាជ្ញាជញ្ជូនដីអស់វេលា ៣-៤ ម៉ោង 

ក៏នាំគ្នាបង្ហូតគោមតូចមួយ  យ៉ាងខ្ពស់ នៅជ្រុងឦសានភ្នំ ពួកប្រុសៗក្រឡេកមើលទៅលើឃើញ 

គោមពួកស្រីបង្ហូតនិងឫស្សីមួយដើមនោះ ស្មានថាផ្កាយព្រឹករះ  ក៏បបួលគ្នាឈប់ធ្វើការ នាំគ្នានិទ្រ្ទា 

លក់អស់ គ្មានសល់នរណាម្នាក់ ពួកស្រីៗក៏នាំគ្នាជញ្ជូនដីដរាបដល់ផ្កាយ ព្រឹករះមែនទែន  ទើប 

ឈប់ ។

 ដល់មាន់រងាវកឺតប្រុសៗភ្ញាក់ឡើង ឃើញផ្កាយព្រឹករះក៏លាន់មាត់ថា » 

យើងទាំងអស់គ្នាខុសហើយ ផ្កាយព្រឹកមែនទែនទើបរះសោះ » ។ ហើយនាំគ្នាក្រលេកមើល ទៅ 

ភ្នំស្រីមានទំហំ ខ្ពស់ជាងភ្នំរបស់ខ្លួន ក៏មានសេចក្ដីអៀនអន់ ក្នុងចិត្តដៅយចាញ់កលស្រី ។

        តាំងពីកាលនោះមកប្រុសៗ ក៏ដណ្ដឹងស្រីៗធ្វើជាភរិយាដរាបសព្វថ្ងៃនេះ ។

ទោះបីវាគ្រាន់តែជារឿងប្រឌិតមួយក៏ដោយតែវាបានឆ្លុះបញ្ជាំងអំពីប្រវត្តិរបស់ភ្នំនេះដែរ ៕

រូបព្រះនៅភ្នំប្រុស

រូបព្រះនៅភ្នំប្រុស

ប្រាសាទមួយនៅភ្នំប្រុស